Den Byen

Den byen
skulle reise dit
til akkurat
Den Byen

Den Byen har eit stort amfi
som er altfor antikk
litt for ærverdig
til å fungere
som kjøpesenter
byggmeistrane brukte tre stilepoker
på å sette det opp
minst

Skal reise dit
drikke rosa vin av eit glas
ein lokal kunstnar har laga
ganske nettopp
brenn det ferdig
medan eg står der
ser på
fasinert ventar
i ein verkstad
midt i ei trang sidegate
der pastarettar er ferdige
før lunsj

Legge det i den gamle handveska
som eg skal ta med
kjøpe ei ny
om eg reiser
til akkurat
Den Byen

                          a h

 

Del artikkel: